RAIS WA NCHI YA GAMBIAATANGAZA KUWA NCHI HIYO NI JAMUHURI YA NCHI ZA KIISLAM
 |
| Picha juu ni Rais wa Gambia Yahya Jammeh |
Rais wa Gambia Yahya Jammeh
ametangaza taifa hilo lenye Waislamu wengi kuwa jamhuri ya Kiislamu,
hatua ambayo anasema inakatiza kabisa uhusiano na historia ya zamani ya
kikoloni.
Ameongeza kuwa raia na wageni wa dini nyingine hawatalazimishwa kuvalia mavazi ya Kiislamu, na wataruhusiwa kuendelea na dini zao bila kusumbuliwa.
Asilimia 90 ya raia wa Gambia ni Waislamu.
Koloni hiyo ya zamani ya Uingereza hutegemea sana utalii. Uhusiano kati ya taifa hilo na nchi za Magharibi umekuwa ukidorora siku za karibuni.
Muungano wa Ulaya ulikatiza kwa muda pesa za msaada kwa Gambia mwaka jana kutokana na rekodi mbaya ya haki za kibinadamu.
Bw Jammeh ameongoza taifa hilo ndogo la Afrika Magharibi kwa miaka 21.
Mataifa mengine yanayojitambulisha kama jamhuri za Kiislamu ni Iran na Pakistan, na barani Afrika kuna Mauritania.
Bw Jammeh aliondoa Gambia kutoka kwa Jumuiya ya Madola 2013 akitaja muungano humo kuwa wa ukoloni mamboleo.
Mwaka 2007, alidai kuwa alikuwa amepata dawa ya kiasili ambayo ingetibu Ukimwi.
Category:
0 comments