UK:FAMILIA YA WAISLAMU YAKATAZWA KWENDA DISNEY
Shinikizo linazidi
kushika kasi nchini Uingereza kufuatia hatua ya maafisa wa usafiri
nchini Marekani kuwanyima idhini ya kusafiri familia moja ya Waislamu
waliokuwa wanataka kwenda Los Angeles Marekani.
Mohammad Tariq Mahmood na familia yake hawakupewa sababu yeyote na maafisa wa usalama katika uwanja huo.
Mahmood alikuwa akisafiri na kakake na wanao 9 walikuwa wamepanga kuzuru California Kusini wanakoishi jamaa zao kisha watembelee maeneo ya burudani ya Disney.
Hata hivyo walipofika katika uwanja a ndege wa Gatwick maafisa wa usalama waliwaeleza hatua hiyo iliyochukuliwa na maafisa wa usalama wa Marekani.
''Wakati huo tulikuwa tunakaribia kukamilisha upekuzi ilituingie ndani ya ndege, tukamrishwa kuondoka kwenye foleni''
''Niliabika sana ''alisema bwana Mahmood.
''Japo nilikuwa nimewahi kuzungumzia swala la ubaguzi dhidi ya Waislamu kote nchini Uingereza sikujua kuwa itafikia siku ambayo swala hilo litaniathiri mimi na familia yangu''
Walielezwa kuwa hawatarejeshewa gharama yao ya pauni elfu 9,000.
''Utawaelezaje watoto kuwa hatukuruhusiwa kusafiri kwa sababu sisi ni waislamu ?
''Wataelewaje ? aliuliza bwana Mahmood
Waziri wa uhamiaji wa Uingereza, James Brokenshire aliahidi kuchunguza swala hilo.
Mbunge wa eneo wanakotoka la Walthamstow bi Stella Creasy amemtaka waziri mkuu kutoa ripoti rasmi bungeni kwanini Marekani imekuwa ikiwazuia waingereza waislamu kutoingia Marekani bila kutoa sababu yeyote ?
Category:
0 comments